Page 1 of 1

Tagalog o Filipino?

Posted: Tue Mar 07, 2006 6:03 pm
by jlilio
Ang Tagalog na may 20 titik lang at maituturing na pang-rehiyong lengguwahe sa maraming bahagi ng Luzon ang pinagmulan ng mas maraming salita sa Filipino. Ang Filipino naman na may 28 titik ay itinuturing na pang-nasyonal na lengguwahe ayon sa ating Saligang Batas. Dahil ang Filipino ay isang buhay na lengguwahe, maraming salitang Filipino sa ngayon ang hindi pwedeng sabihing Tagalog, at marami rin namang mga Tagalog na salita ang hindi na ginagamit ng mga Filipino sa panahon ngayon.

Sa aking palagay, tama nga ang direksyon ng grupo ng mga tagasalin ng Joomla! Philippines na sa lengguwaheng Filipino muna isalin ang Joomla! at hindi sa ibang pang-rehiyon na lengguwahe sa bansa katulad ng Tagalog. Sa aking kaunting experiensya sa pagsasalin ng Moodle sa Filipino (bagama't ito ay may katagalan pa bago matapos), napagkasunduan namin ng opisyal na nagsalin ng Moodle sa lengguwaheng Tagalog ang pagbibigay ng distinksyon sa pagitan ng Filipino at Tagalog, ito ay matapos ang pagsasaliksik na pareho naming ginawa tungkol sa usapin.

Minsan meron akong nakikitang malaking impluwensya ng mga nasanay sa malalalim na Tagalog... sa lalim, ang hirap nang intindihin ng modernong Filipino... hehehe  ;D... Sana po maging paalala sa lahat na ang maging bunga ng pinagsama-sama nating gawain ay yun namang mas madaling intindihin ng marami at hindi mala-balarilang Tagalog na galing pa siguro sa panahon ng abakada. Simpleng Filipino... tiyak mas marami ang gagamit at matutuwa. ;-)

Re: Tagalog o Filipino?

Posted: Sun Mar 12, 2006 7:04 am
by jlilio
Isang mas detalyadong diskurso tungkol sa masalimuot na usaping sa pagitan ng Filipino at Tagalog: http://en.wikipedia.org/wiki/Filipino_vs._Tagalog

Isa ring blog na mabuting mabasa ay ang "The Metamorphosis of Filipino as National Language" na makikita sa http://sundrylit.[URL banned].com/2006/01/m ... ional.html.

Re: Tagalog o Filipino?

Posted: Fri Mar 17, 2006 6:17 am
by Joomlasticman
Sang-ayon ako dyan Jlilio, at ito ang ikinaganda ng meron Translation Team at hindi lang iyon, ang mga member ay sa ibat ibang panig ng pilipinas pa nagmula kaya purong Filipino talaga ang gagamitin natin sa pagsasalin.  :)

Re: Tagalog o Filipino?

Posted: Fri Mar 17, 2006 6:46 am
by wyzemoro
Kaya nga dapat Filipino ang gamitin kaysa Tagalog. Baka mag aklas ang ibang reheyon.  :laugh:

Lalo na ngayon me debate akong naririnig at kuru-kuru na bakit daw tagalog ang ginagamit na mas marami daw gumagamit ng cebuano/bisaya kaysa tagalog.

Re: Tagalog o Filipino?

Posted: Sat Apr 08, 2006 8:55 am
by Joomlasticman
wyzemoro wrote: Kaya nga dapat Filipino ang gamitin kaysa Tagalog. Baka mag aklas ang ibang reheyon.  :laugh:

Lalo na ngayon me debate akong naririnig at kuru-kuru na bakit daw tagalog ang ginagamit na mas marami daw gumagamit ng cebuano/bisaya kaysa tagalog.
That's mouthful - Clear as Vodka! Manuel L. Quezon made a boo boo on that one,  no shinola!

Re: Tagalog o Filipino?

Posted: Sat Apr 08, 2006 9:39 am
by mIn0tAuR
!lol :D di ko alam kng anong sasabihin ko he he  :laugh:

Re: Tagalog o Filipino?

Posted: Fri May 05, 2006 2:50 am
by ultimoAdios
Just wondering kung ang alphabet ngayon ay may F na na
dagdag. So kung meron man, Filipino ay tama. But if there
is no dagdag na F sa alpabet, ang tanong ko'y bat my F sa Filipino.
Ito bay bago? Dati (as in early 1990's late 1980's)ang gamit
ay P as in Pilipino. Sana mapaliwanag po ninyo ako.

One more, ang subject na Pilipino bay napalitan na ng Fillipino
subject?

Re: Tagalog o Filipino?

Posted: Fri May 05, 2006 7:08 am
by jlilio
ultimoAdios wrote: Just wondering kung ang alphabet ngayon ay may F na na
dagdag. So kung meron man, Filipino ay tama. But if there
is no dagdag na F sa alpabet, ang tanong ko'y bat my F sa Filipino.
Ito bay bago? Dati (as in early 1990's late 1980's)ang gamit
ay P as in Pilipino. Sana mapaliwanag po ninyo ako.

One more, ang subject na Pilipino bay napalitan na ng Fillipino
subject?
Sa  panimula, ang pambansang lingua franca ay Tagalog na naging Pilipino. Binubuo ito ng 20 titik. Pinayaman ito at umabot ng 30 letra pero dahil nalito ang mga tao kung ano ba talaga ang susundin, hindi ito naging matagumpay. Noong 1987, ginawa itong 28 titik ng kagawaran ng edukasyon base sa mungkahi ng isang profesor ng UP na sinuportahan naman ng marami. Ang 28 letra na ito ang siyang bumubuo ng ating makabagong alfabet. Namana ng Filipino ang maraming salita sa Tagalog/Pilipino pero ito ay mabilis na humiwalay at naging iba kaysa Tagalog paglipas ng panahon dahil ito ngayon ay binubuo ng pinagsama-samang mga wika ng ating bansa at patuloy na yumayabong dahil sa napakaraming mga hiniram na salita mula sa mga dayuhan.

Hindi kaiba ang ebolusyon ng Joomla! mula sa Mambo sa ebolusyon ng makabagong Filipino mula sa Tagalog/Pilipino. Sa dahilang hindi natin sasabihin na ang Joomla! ay Mambo, ay puwede rin nating dahilan kung bakit ang Filipino ay hindi Tagalog/Pilipino. Sadyang ito ay may sarili nang distinksiyon.

Julian

Re: Tagalog o Filipino?

Posted: Fri May 05, 2006 1:11 pm
by ultimoAdios
Pasasalamat Po!

Taos-puso ko pong ipahayag
Ang malaking pasasalamat
Sa iyong oras at panahon
Na ipaliwanag ang aking tanong
Di ko wariy na sa tatlumput taon
Sa lupang banyaga
At di man lang nauwian
ang lupang tinubuan
Kay dami na palang pagbabago
Isa na nito ang makabagong alfabet
Naalala ko na ang isang awitin
Ayon pa nito
Pagbabago ang lahat ay nagbabago
Sabi pa "walang nagmimintis sa pagbabago"
Sanggol nga ako sa mundong nagbabago
At nilluma ng panahon
Ang aking kaalaman
Sa pananalitang
Aking nagisnan
Ngunit di pa huli
Dahil sa isang Julio
Akoy muling
isinilang
Salamat...

Re: Tagalog o Filipino?

Posted: Sat May 06, 2006 5:07 pm
by inagmamboAko
@ultimoadios: Naks naman! May F na nadagdag. matagal na!

Check this link bro! Learn Filipino Alfabet

Re: Tagalog o Filipino?

Posted: Sun May 07, 2006 4:23 am
by ultimoAdios
Salamat sa iyo
Kaibigang may bahid ang pangalan
Patawarin kong pusoy nasaktan
Pinakawalan ko lang
Ang aking naramdaman
Dahil di dapat kampihan
Ang inutil nitong bayan.